Emancipation Day Text: Luuk 1:67-79

Zakaraiya Sang

67 Di Uoli Spirit tek kanchual a Jan faada, so Im staat fi se: 

68 Priez di Laad, Izrel Gad,

kaaz im kom an frii im piipl.

69 Im sen wan powaful smadi fi siev wi.

De powaful smadi ya,

kom fram di fambili a Gad sorvant

Dievid.

70 Jos laik ou im did taak chuu im uoli prafit dem

wie bak wen an se:

71 im a go siev wi fram wi enimi dem

an fram di wan dem we iet wi

an av powa fi ort wi.

72 Im se im wuda gud tu wi faada faada dem

an im memba im uoli

pramis;

73 Di pramis im mek tu wi

faada Iebraham,

74 fi siev wi fram dem we iet wi.

So wi kyan du we im waahn

wi fi du an no fried;

75 So wi kyan liv

wan gud an kliin laif

til wi ded.

76 Mi pikni Jan, piipl a go kaal

yu wan prafit fi di Muos Ai,

kaaz yu a go gwaan til im kom

an get im piipl redi fi im;

77 Yu a go mek Gad piipl nuo se

di laad a kom fi siev dem;

Im a go paadn dem so dem kyan

get siev.

78 Siek a ou Gad gud an kain tu wi,

di maanin son a go

shain dong pan wi.

79 It a go shain pan di wan dem we a liv

iina di daak

an we fried fi ded.

An im a go shuo wi ou

fi liv iina piis.”

Happy Holidays everyone!